На 12.12.2009 година станав татко по втор пат и имам син кој си дојде дома на 14.12.2009 и се беше спремно да го пречекаме па си легна во корпата а татко му почна да размислува како од првите денови детето да се навикне на добра музика и следува процедура POWER на појачалото па POWER на CD плеерот па OPEN и одлуката падна на новиот албум Bossa Beleza на Gabriela Anders.
ПРЕПОРАЧУВАМ. Одличен JAZZ VOCAL. Албумот започнува со прекрасната и по мое а се надевам и по Ваше мислење ( откако ќе го слушнете албумот ) најдобрата до сега обработка на класиката на Earth Wind And Fire – September. Едноставно релаксирачки за да продолжи со Aqua De Beber па преку уште една одлична преработка на I Can’t Get No Setisfaction на Rolling Stones па да заврши со Sexy Ride. Прекрасен Brazilian Jazz со прекрасна продукција спакувано на овој албум.
Единаесет (11) одлични теми за овој период на годината кога сите сакаат да се дома на топло и да се релаксираат со добра музика затоа што ОХРИД ТРЕБА ДА СЛУША КВАЛИТЕТНА МУЗИКА. И се навраќам на почетокот од овој текст и морам да кажам дека син ми одлично ја прифати и имаме помалку плачење. Вие не мора да плачете само уживајте со BOSSA BELEZA на Gabriela Anders и нека Охрид продолжи да слуша квалитетна музика зошто така било и така треба да биде да бидеме препознатливи.
