Фудбалерите на Охрид одиграа само нерешено 1:1 на свој терен против незгодната екипа на Миравци. Иако „белите“ носени на крилата на трите едно по друго победи на стартот од новото првенство со голем елан влегоа и во овој натпревар, тоа не беше доволно да се соввада незгодниот противник.
Охрид имаше минимално водство до 87 минута, откако Маркоски во 36 минута го доведе домаќинот во предност. На три минути пред крајот Трајков ја искористи нерешителноста на домашниот голман Капрически и го израмни резултатот. Во 91 минута гостите пропуштија колосална шанса за победа, кога противничкиот напаѓач не реализира зицер.
Охрид и покрај ремито дома со 10 бода од 4 средби е во врвот на второлигашката табела. Во наредното 5-то коло кое на програмата е на 13 септември, Охрид гостува на Нов Милениум.
Г.М.
