Во рамки на националните подготовки за заштита од Свинскиот грип, стручни екипи на Институтот за јавно здравје, денеска престојуваат во посета на Центарот за јавно здравје во Охрид. На средбата со охридскиот стручен тим ќе бидат согледани размислувањата, дилемите и забелешките на нацрт акциониот план за вакцинација против пандемски грип A/H1N1.Исто така, на средбата ќе бидат прецизирани тимовите и пунктовите за вакцинација на територијата која ја покрива ЦЈЗ во Охрид, како и приоритените групи за вакцинација со посебен акцент на хроничните болни во охридскиот регион.
Стручните лица меѓу другото треба да ги утврдат и количеството на потребни заштитни средства и средства за дезинфекција и да извршат проценки на снабденоста на охридскиот регион со лекови.
По извршената посета, Институтот за јавно здравје ќе подготви извештај за oхридскиот регион како дел од Акциониот план, кој треба да се достави до Комисијата за Пандемски грип, при Министерството за здравство, заради конечно усвојување.
