Општина Охрид се претстави на Меѓународниот саем за туризам, кој се одржува од 28 септември до 1 октомври во Нови Сад. Саемот е посветен на презентација на туристичката понуда на голем број излагачи од регионот.
Во заедничка соработка со туристичките работници од градот, на саемот се одржа презентација на целокупната туристичка понуда на Охрид. Првенствено се презентираат природните убавини на градот, културните знаменитости, историските обележја како и комодитетот на хотелите, рестораните и приватното сместување. На саемот се служат македонски вина и ракии кои се едни од најквалитетните во регионот и препознатливи за сите оние кои знаат да го препознаат квалитетот.
Како што соопштуваат од Локалната самоуправа, пројавен е голем интерес од страна на српските медиуми за промовирање на Охрид, туристичките работници остваруваат контакти со голем број посетители, заинтересирани агенции и туроператори.
OhridNews
