На локација во близина на плажата Куба либре деновиве се одржа презентација на био-средства Биоверсал за справување со пожар.
Пред присутните претставници на општините Охрид и Струга, претставници од противпожарната единица на општина Охрид и други заинтересирани беа извршени неколку практични презентации за можностите на Биоверсал технологијата, која покрај за гаснење пожари се користи и за разградување на масла, нафта и нафтени деривати како на почва, така и во вода.
Биоверсал е напредна технологија со чие користење се овозможува заштита на животната средина при еколошки инциденти предизвикани од пожар и излевање на токсични материи како што беше случај со излевањето на нафта во водите на Охридското Езеро.
Противпожарната единица од Охрид располага со средства за интервенција при секаков вид пожари, но не и со специјални средства за разградување на масла и нафтени деривати и гасење на пожар на водени површини. Оттаму сметаат дека е потребно професионалната противпожарна единица во Охрид да се опреми со такви средства и да се обучи за нивно користење, како и да се набави специјален пловен објект за интервенција на вода.
OhridNews
