Охрид на мускули до трите бода

Фудбалерите на Охрид ја прекинаа негативната низа од два порази, откако на Билјанини извори го совладаа Новаци минимално со 1-0. Стрелец на голот вреден три бода беше Затуроски уште во првата минута . За охридскиот напаѓач ова беше трет гол во серија.

По заминувањето на најдобриот стрелец во тимот Клечкароски во Шкендија, Затуроски го зазема неговото место во нападот и во првитот натпревар како стартер ја затресе противничката мрежа.

Гостите брзо се отрезнија од шокот и во 15 минута, имаа прилка преку Ристовски да израмнат. Охриѓани играа на средината на теренот но “ зелените“ беа тие кои ги имаа најдобрите прилики. Повторно Ристовски беше во главна улога асистирајќи му на Талевски кој во ситуација еден на еден не успеа да го совлада Абди.

Сликата на теренот не се промена многу ниту во второто полувреме, во кое охригани ја контролираа играта. Имаа резултат кој им одговара, па концентрирани пред својот гол, а со ударите на капитенот Маркоски од далечина беа единствените обиди да се стигне до повисока предност.

Лесно можеше казната да ги стигне во 88 минута кога по ударот од аголоt топката стигна до Николовски кој од работ на 16 -от биеше кон голот на Абди.
Топката се прошета низ охридскиот казнен простор но на крајот заврши покрај голот.

По ова коло охриѓани со 23 бода остануваат на шестто место на табелата, со три бода застанување зад лидерот Дрита.

Дрита –  Брегалница  0-0
Цементарница – Кожув 1-0   
Миравци  – Тетекс    0-0
Нов Милениум – Слога Ј 1-2
Охрид – Новаци     1-0
Вардар Д – Беласица  1-5 
Шкендија    – Локомотива    1-1
Скопје   – Маџари  1-0