ФК “Охрид Лоте“ не ја уплати потребната котизација и не доби лиценца за настап во Втората МФЛ, информираат од Фудбалската Федерација на Македонија.
Од соопштението на седницата на Управниот одбор на ФФМ велат дека покрај Охрид Лоте, за настап во втората МФЛ не им е издадена лиценца и на ФК Осогово, ФК Цементарница, ФК Дрита, ФК Влазерими и ФК Милано.
Десет екипи добија лиценци за настап во второлигашкото друштво: ФК Новаци, ФК Миравци, ГФК Тиквеш 09, ФК Еуромилк Горно Лисиче, ФК Охрид 2004, ФК Локомотива, ФК 11 Октомври, ФК Влазними, ФК Ринија и ФК Беласица.
Во Првата МФЛ не им се издадени лиценци на ФК Вардар и ФК Скопје бидејќи не ја платиле котизацијата во предвидениот рок.
На сите клубови кои не ги исполнуваат условите им е даден рок за жалба до вторник, (6.Јули) да ја извршат уплатата на котизацијата од првата рата.
М.П.
