Охрид ќе ги враќа старите долгови преку ново задолжување

Со долгорочен кредит кај комерцијалните банки, општина Охрид ќе ги врати долговите кои години наназад се спомнуваат како пречка за развој на општината и влез во вората фаза на децентрализацијата.

Советот на општината, денес,  донесе одлука за долгорочно кредитно задолжување во висина од 360 милиони денари.

– Ова е историска можност да се ослободиме од старите долгови направени од претходните локални власти и конечно да почнеме нова фаза во развојот на Охрид. Задолжувањето со долгорочен кредит го одобри Владата на Република Македонија и се надеваме дека по расчистувањето на старите долгови тие брзо ќе реагираат и Охрид ќе влезе во втората фаза на децентрализацијата-рече Градоначалникот Александар Петрески.

Согласно одлуката , се предвидува годишниот ануитет, наместо дозволените 30, да изнесува 15 отсто од буџетот на Општина Охрид.