Охрид наскоро ќе добие Клуб на стопанственици, кој ќе биде отворен во рамки на проектот на Сојузот на стопански комори на Македонија (ССК) со Британска амбасада. По тој повод на 5 август 2008 година во компанијата „ПАП“ ќе се одржи средба на стопанственици од Охрид и охридскиот регион на која ќе биде отворен Клубот на стопанственици во Охрид.
Со отворањето на Клуб на стопанственици во Охрид, компаниите од овој регион ќе имаат можност да воспостават меѓусебни бизнис релации и заеднички да делуваат во решавањето на специфичните потешкотии со кои се соочуваат, велат од ССК. На средбата присутните ќе имаат можност да се запознаат со активностите на ССК насочени кон подобрување на бизнис климата во Р. Македонија, а ќе стане збор и за тешкотиите во работењето и можностите за нивно решавање на стопанствениците од Охрид и охридскиот регион.
ohridnews
