Охрид ќе биде ставен на мапата на туристички дестинации каде некогаш живееле Евреи, кои масовно се посетуваат од израелските туристи. Ова било истакнато на средбата на градоначалникот Александар Петрески со амбасадорот на Израел во Македонија, Н.Е. Давид Кохен, кој денеска престојува во работна посета на Охрид.

Овие масовни организирани посети на  потомците на пребеганите или депортираните Евреи од балканските простори, се организираат секоја година, а на средбата била изразена надеж дека во 2011 година Охрид би можел да биде една од дестинациите на израелските туристи.

Амбасадорот Кохен бил запознат со туристичките и економските потенцијали на Охрид, а било разговарано и за можностите за инвестирање во балканскиот Ерусалим.

Ohridnews