Охрид има ракометна иднина

Кадетите на ГРК Охрид синоќа во салата „Билјанини извори“, загубија од Еурофарм Пелистер 22:25 (8:13) во разигрувањето за пласман на Ф4 турнирот од Кадетската лига на Македонија. И покрај поразот, младите „гладијатори“ покажаа борбеност, игра и залагање, особено во второто полувреме, што ветува добра иднина на ракометот во Охрид.

Клучно беше првото полувреме кое младите охридски ракометари го отворија во грч и речиси половина полувреме беа без постигнат гол. Во 14 минута на семафорот стоеше 0:6. Првиот гол дојде од пенал, по што играта на домаќинот се стабилизира, но Е. Пелистер обезбеди солидна предност на полувреме 8:13. Разликата во првиот дел ќе беше и поголема на голот на Охрид да не беа одличните голмани Бојан Крстески и Матеј Крстески кои заедно искомбинираа 13 одбрани.

Во вториот дел Охрид заигра значително подобро, а како резултат на таквата игра стигна и до -1, но домашните немаа сили за пресврти а пелистерци со неколку гола во низа во финишот го решија мечот и обезбедија пласман на Ф4 турнирот и ќе се борат за шампионската титула во кадетска конкуренција.

Најефикасен во редовите на Охрид беше Николоски со 6 гола, Трајчески и Софкоски постигнаа по 3.

Статистика ГРК Охрид: Бојан Крстески (9 одбрани), Пупунцоски 3, Спироски, Фармакоски, Булески 1, Колески, Матео Силјаноски, Трајчески (4), Матеј Крстески (4 одбрани), Јанчески, Станкоски, Даниел Силјаноски, Николоски 6, Стевановиќ 3, Софкоски 4, Јованоски.