Општините Охрид и Струга сметаат дека државата, многу малку прави за заштита на Охридското Езеро поради што бараат таа да им го отстапи на користење целокупното крајбрежје, како што е случај со Поградец во Албанија. На тој начин општините многу повеќе ќе направат за заштита и на крајбрежјето и на рибниот фонд смета градоначалникот на Охрид Александар Петрески. Тој најави дека деновиве и официјално општините Охрид и Струга ќе побараат од владата да им ја отстапи грижата за Охридското Езеро на локалните самоуправи.
Петрески и неговиот струшки колега Рамиз Мерко денеска престојуваат во Поградец каде присуствуваа на одбележување на Денот на Езерото. По тој повод во албанскиот крајезерски град се одржа еко хепенинг, а делегации на Поградец, Охрид и Струга размениле мислења за заштитата на Охридското Езеро и неговиот рибен фонд.
ohridnews
