Општините во Југозападна Македонија треба да изградат заедничка депонија, затоа што не можат сами успешно да се справат со цврстиот комунален отпад. За таа цел неодамна градоначалниците од регионот беа во посета на Италија каде од тамошните општини црпеа искуства за справување со цврстиот отпад.


Општините од регионот заеднички ќе се справуваат со отпадот

Како што дознава Ohridnews, регионалната депонија ќе се гради во Струга или Охрид. Во Струга се размислува за две локации, додека во Охрид како можна локација се разгледува просторот позади депонијата за цврст отпад во Мауцкер. Локалните самоуправи уверуват дека регионалната депонија ќе биде од современ карактер и со највисоки стандарди. Отпадот таму ќе се балира и рециклира, а во зависност од технологијата постои можност од него да се произведува и електрична енергија.

Г.М.