На денешен ден во 1941 година, борците на Првиот прилепски партизански одред извршија напад врз бугарската полициска станица во градот, на прилепскиот затвор и на телефонско-телеграфската мрежа. Со овој чин беше означен почетокот на востанието на Македонскиот народ против бугарскиот окупатор, со цел за конечно осободување на земјата. На 12 октомври се огласија и истрелите на кумановските партизани. Почна четиригодишната крвава НОВ на Македонскиот народ за конечно ослободување на земјата која заврши со успех само во еден дел на Македонија.
11 Октомври, Денот на востанието на Македонскиот народ денеска со низа активности ќе биде одбележан и во Охрид.
Делегација на општината, Сојузот на борците и институции ќе положат цвеќе пред спомен обележјата на народните херои Андон Дуков, Спас Банџов, Петрес Пирузе – Мајски и на Мите Богоески.
Свеченостите ќе продолжат со поставување камен темелник на резервоар за вода во с. Рамне, пуштање на пешачката патека кај црквата Св. Климент во Велгошти, поставување камен темелник за регулација на коритото на реката Грашница и пуштање во употреба на патот од Горно Лакочереј до Лескоец.
Ohridnews
