Охрабрувачки информации: Изминатата седмица нема починати лица од Ковид 19 во ниту една од соседните општини

Во период од 24 до 30 април, Центарот за јавно здравје Охрид, кој ги покрива општините Охрид, Дебрца, Струга, Вевчани, Дебар и Центар Жупа, направил 76 тестирања на присуство на COVID-19. Во општина Охрид и Дебрца земени биле брисеви од 31 лице, во општина Струга и Вевчани од 42 лица и од 3 лица во општина Дебар и Центар Жупа.

Од вкупно земените материјали, 64 се земени по епидемиолошки индикации (лица кои исполнуваат критериуми за дефиниција на случај) (Охрид и Дебрца 20, Струга и Вевчани 41, Дебар и Центар Жупа 3), а 12 материјали зе земени при скрининг тестирањето со упат од матичен лекар-МОЈ ТЕРМИН (Охрид и Дебрца 11, Струга и Вевчани 1). Од тестираните лица во овој период во општина Охрид и Дебрца не е лабораториски дијагностицирано присуство на COVID-19 кај ниту едно лице, 11 лица од општина Струга се позитивни на COVID-19, а во општина Дебар и Центар нема нови позитивни на COVID-19. Само едно лице позитивно на COVID-19 од Струга е хоспитализирано. На домашно лекување се 8 пациенти од општина Струга и 1 од општина Дебар и Центар Жупа. Оздравени пациенти од општина Охрид се 5, а од општина Струга се 30. Нема починати пациенти во ниту една општина во дадениот период. – информира Центарот за јавно здравје Охрид.

Под 14-дневен здравствен надзор ставени се 96 лица од општина Струга и Вевчани и 4 лица од општина Дебар и Центар Жупа. До денес лабораториски е дијагностицирано присуство на COVID-19 во општините Охрид, Дебрца, Струга, Вевчани, Дебар и Центар Жупа на вкупно 131 лице од кои 15 во општина Охрид и Дебрца, 66 лица во општина Струга и 50 лица во општина Дебар и Центар Жупа.

До денес оздравени пациенти од Охрид се 6, од Струга се 25, а од Дебар и Центар Жупа се 44 пациенти. Од почетокот на епидемијата со денес нема починати пациенти од општина Охрид и Дебарца, од општина Струга се починати 12, а од Дебар и Центар Жупа се починати 4 лица. – соопшти Центарот за јавно здравје Охрид.

Центарот за јавно здравје апелира на сериозно почитување на мерките и препораките од надлежните установи и употреба на заштитни средства, посочивајќи дека опасноста од не е надмината.

OhridNews