Австралиецот со македонско потекло, Сашо Огненовски е прогласен за фудбалер на годината во Азија, во изборот на фудбалската федерација на овој континент. Огненовски има 31 година, тој е фудбалер на Сеонгнам од Јужна Кореја, со оваа екипа минатата недела ја освои азиската Лига на шампиони.


Во изборот на Фудбалската федерација на Азија, Огненовски зад себе ги остави Фархад Маџиди и Фарсид Телеби двајцата од Иран, Бадер ал Мутав од Кувајт и Хусеин Салман од Бахреин.

Фудбалската кариера Огненовски ја започнал во 1997 година во екипата на Престон Лајонс и до 2009 година кога се пресели во Јужна Кореја, настапувал за екипи од Австралија. Исклучок е само сезоната 2002/2003 кога играл во грчкиот Панахаики.


Оваа година Огненовски дебитираше и во дресот на репрезентацијата на Австралија.

извор “Макфакс“
Ohridnews