Два прекина на четири натпревари го одбележаа претпоследното коло од општинската фудбалска лига. Својот крај не го дочекаа натпреварите помеѓу Вулкан и Борец во Косел како и Ботун – Лешани во Ботун.
Првиот прекин беше во саботата во Косел, кога во 75 минута при резултат 1-0 гостинските фудбалери го нападнаа главниот судија Драган Николоски по што натпреварот беше прекинат.
Во неделата поради влез на гостинската публика на теренот во Ботун во 55 минута при резултат 1-0 главниот судија Гоце Стојаноски го прекина натпреварот .
На терените каде се доиграа натпреварите во Волино, Сатеска – Рудар 6-1 , а на Грашница Воска – Славеј 3-2 .
