Oдржана првата годинешна јахтинг регата во склоп на „Куп за едрење на Охридско Езеро“

Иминатиов викенд во акваториумот на Охридскиот залив во организација на Јахтинг клуб ОЛС-Охрид се одржа првата годинешна јахтинг регата во склоп на „Куп за едрење на Охридско Езеро“ на Едриличарска федерација на Македонија.

Согласно регатните правила беа одржани три трки, а учествуваа 15-тина едрилици од клубови од Охрид и Скопје.

Првото место во класа до 7м освои Никола Бараковски од Јахтинг клуб ОЛС-Охрид, прво место во класа над 7м освои Будимир Соколовиќ од Јахтинг клуб Олс-Охрид и прво место во класа “One design“ освои Славчо Мошоски од “Меч рејс клуб“-Охрид.

Прогласување на победниците, доделување на пехари и награди (врвно вино Вранец барик) како и пригоден коктел се одржа пред Вила и винаријата „Мал Св.Климент“ која беше и донатор на наградите.

OhridNews