Голем одрон се случи вчера околу 14 часот на локалниот пат кој води во охридското село Куратица. Како што информираат од Месната заедница на селото, од обилните дождови поголема количина земја и камења се одронале од ридот над локалниот пат, по кој, за среќа, во тој момент не поминувало возило.
Најпрвин рачно бил расчистен дел од патот и бил воспоставен сообраќај, а поголемите камења со помош на механизација ангажирана од локалната самоуправа биле отстранети од коловозот. Одронот бил целосно саниран околу 20 часот.
Дождот во охридско и вечерва силно врне, а на повисоките места, меѓу кои и Куратица, се очекува и првиот снег. Од Месната заедница на селото информираат дека вакви одрони се случуваат редовно во овој период од годината, поради што, според неа, неопходно е да се обезбеди патар и редовно со механизација да се одржува локалниот пат од Прентов мост до Куратица.
OhridNews
