Евролигата ги соопшти петте кошаркари кои го одбележаа регуларниот дел од сезоната во најквалитетната лига во Европа според медиумите и кошаркарските симпатизери.
Довербата од седмата сила и навивачите втора година по ред ја добија Ник Калатес од Панатинаикос и Јан Весели од Фенербахче, додека за прв пат помеѓу најдобрите се Вил Клајбурн (ЦСКА Москва), Брендон Дејвис (Жалгирис) и Коста Слукас (Фенербахче).
Наградата за најдобар дефанзивец замина во рацете на Валтер Табарес (Реал Мадрид), а за ѕвезда во подем прогласен е Гога Битадзе од Будуќност.
Наградите за најкорисен кошаркар и најдобар тренер ќе биде доделени после завршување на Ф4 турнир. Годинава домаќин е шпанскиот град Виторија, а во полуфиналето ќе се сретнат Фенербахче – Ефес Анадолу односно Реал Мадрид – ЦСКА Москва.
Најдобрата петорка:
Ник Калатес (Панатинаикос)
Вил Клајбурн (ЦСКА Москва)
Брендон Дејвис (Жалгирис)
Коста Слукас (Фенербахче)
Јан Весели (Фенербахче)
Најдобар дефанзивец:
Валтер Табарес (Реал Мадрид)
Ѕвезда во подем:
Гога Битадзе (Будуќност)
OhridNews
