И покрај забраната за градба во летната туристичка сезона, градежните компании си тераат по старо. Наместо да ги затворат и заштитат градилиштата тие градат. Некои изведуваат поситни, некои покрупни зафати, а неретко тоа се прави и во строгиот центар, што остава лош впечаток кај туристите, реагираат охриѓани.
Вчера сообраќајот на една од најпрометните улици во центарот – „Партизанска“, кај старата автобуска станица беше во застој извесно време поради тоа што камион со арматури не можеше да изврши дотур во градилиште.
Вчера сообраќајот на една од најпрометните улици во центарот – „Партизанска“, кај старата автобуска станица беше во застој извесно време поради тоа што камион со арматури не можеше да изврши дотур во градилиште.
Туристите и граѓаните кои заглавија во колоната позади камионот кој не можеше да изманеврира заради паркираните возила, револтирано негодуваа. Тие укажуваат дека ваква слика не му доликува на туристички град и упатија апел до локалната самоуправа да ги почитува одлуките кои самата ги носи.
Имено, со одлука на Советот на општината донесена уште на 20.03.2007.година (објавена во СЛ. Гласник бр.3/07) која е насловена како ОДЛУКА ЗА ЗАБРАНА ЗА ИЗВЕДУВАЊЕ ГРАДЕЖНИ РАБОТИ, децидно е наведено дека се забранува изведување градежни работи на подрачјето на општина Охрид на просторот под „Туристичка“ од Билјанини извори до Далјан и на просторот над „Туристичка“ во длабочина од 50 метри, како и во туристичките локалитети од каналот Студенчишта до Свети Наум. Оваа забрана важи од 1 јули до 31 август. За кого како.
OhridNews
