Според информацијата од Македонија пат, добиена од АД Илинден, планираните активности (минирање) на патниот правец А2 Кичево-Охрид (планински премин Пресека – с.Врбјани) кои беа закажани за денес, се одложуваат, соопшти АМСМ.
Обиколницата околу Скопје, каде во тек е снимање на француски филм во текот на денешниот ден (Вторник, 22.09.2015 година), во период од 07:00 до 19:00 часот ќе биде затворена за сообраќај.
Од АМС информираат дека сообраќајот на сите државни патишта се одвива по наместа влажни коловози. На возачите им се препорачува внимателно возење, прилагодена брзина на движење и почитување на поставената сообраќајна сигнализација. Посебно внимание е потребно на делниците кои минуваат низ клисурите и засеците, особено на патните правци Катланово – Велес, Маврово – Дебар – Струга, Демир Капија – Удово, Кочани – Делчево, Виница – Берово каде е можна почеста појава на одрони.
OhridNews
