Светски познатиот британски состав „Рудиментал“ кој утревечер требаше да настапи на плажата „Немо“ во рамки на „Orange festival“, 24 часа пред настапот сооштил дека нема да доаѓа во Охрид.
Организаторите на фестивалот „Pragma music entertainment“ на Facebook објавија дека во последен момент од менаџментот на „Рудиментал“ добиле соопштение во кое пишувало дека поради неодложни и оправдани приватни причини, музичарите го откажуваат својот настап во Охрид.
-Со оглед на тоа дека илјадници фанови веќе обезбедија влезница за да бидат дел од оваа журка, организаторите се обидоа во овие 24 часа да најдат соодветна замена. За таа цел, наместо нив, на 2 август со ист тајминг на плажа „Немо“ свој настап ќе има дуото Milk and Sugar. Освен сетот на овие двајца диџеи, посетиелите ќе добијат и бесплатен пијалок по сопствен избор. Пред нив пак, на први август свој настап има и диџејот Том Нови. Сите оние кои што сакаат рефундирање на средствата за веќе купените влезници за „Рудиментал“, истото можат да го направат на продажните места од каде што ги купиле влезниците, велат од „Pragma music entertainment“.
Оттаму изразија жалење поради откажаниот настап и најавија дека настапот на „Рудиментал“ најверојатно ќе се реализира од месец септември некаде во Скопје.
OhridNews
