Општинското оделение за комунален развој и сообраќај кое функционира во рамки на Секторот за урбанизам и заштита на животната средина, во иднина ќе функционира во ново-старите простории во зградата на Црвен крст.
Деновиве вработените од одделението за комунален развој се преселија од општинската зграда во канцелариите каде до неодамна беше сместена управата на Здравствен дом Охрид.
– Со дислоцирањето на ова одделение од досегашните простории што се наоѓаа во општинската зграда, се создаваат неопходни услови за работа на вработените и нормално функционирање во поглед на извршување на обврските кон граѓаните и правните лица кои, по основ на прашања и зафати од комуналниот развој, се обраќаат до ова одделение, информираат од локалната самоуправа.
Покрај вработените во одделението за комунален развој, во зградата на Црвен крст се преместени и вработените кои се задолжени за извршување на работи сврзани со сообраќајот и јавното осветлување.
Ohridnews
