Викендов Охрид пулсираше во ритамот на одбојката. Околу стотина деца од основните и средните училишта од Охрид учествуваа на турнирот во одбојка организиран во чест на роденденот на Тоше.


На турнирот во омилениот спорт на Проески , кој беше организиран од Црвениот Крст, Сојузот на Училишен спорт и ЈП “Билјанини Извори“  беше промовирана модерната одбојкарска конструкција.


– Повеќе од дваесет години одбојката беше заборавена. Интензивирање и развој на масовниот спорт останува една од примарните цели на локалната самоуправа , па затоа во целот ја подржавме оваа иницијатива. – рече градоначалникот на Охрид, Александар Петрески кој со смеч го отвори трунирот.


Одбојкарската конструкција вредна неколку илјади евра е донација од “Охридска Банка“ која е дел од Сосиете Женерал групацијата.

–   Традиоционално подржуваме вакви настани,  во соработка со ЈП Билјанини Извори помогнавме во набавка на опремата. Ова е само почеток  и  гледајќи го бројот на децата во салата оптимист сум дека ќе ја вратиме одбојката во Охрид– истакна директорот на филијалата на Охридска Банка во Охрид Вецко Силјаноски.


Спортскиот дух и желбата за победа провејуваа низ спортската сала. Од ЈП “Билјани Извори“ се изненадени од интересот и најавија формирање на одбојкарска школа во најкраток можен рок.

М.Постоловски