Времето во Македонија денеска ќе биде облачно. Во претпладневните часови можни се краткотрајни врнежи од локален дожд, но со послаб интензитет, кои повеќе ќе бидат застапени во источните делови на земјава. Во попладневните часови врнежите ќе престанат, а ќе има и сончеви периоди. Ќе дува слаб до умерен ветер од променлив правец.

Утринската температура ќе се движи од пет до 11, а дневната од девет до 13 степени.

Од сабота следува период на стабилно и суво време. Утрата ќе бидат релативно студени, а преку денот ќе има затоплување, односно температурата на воздухот ќе биде во благ пораст. Во текот на наредната седмица се очекува претежно сончево време со дневни температури од 13 до 16 степени.

OhridNews