Продажбата на билетите за ракометниот спектакл помеѓу Охрид – Вардар кој ќе означи почеток на плејоф мечевите во Супер лигата ќе започне од утре пред влезот на СРЦ „Билјанини Извори“. Цената на билетите изнесува 50 денари.
– Поради големиот интерес за натпреварот помеѓу РК Охрид – РК Вардар продажбата на билети ќе започне од утре. Да се избегне мешаница на денот на натпреварот ги повикувам сите љубители на ракометот да си купат билети и на време да го заземат своето место во салата. Ракометарите на Охрид заслужуваат безрезервна поддршка на дуелот со македонскиот и европскиот првак. – изјави претседателот на клубот, Љупчо Танески.
Натпреварот започнува во 19 часот, а вратите за влез во салата ќе бидат отворени еден час претходно.
OhridNews
