Од Охрид преговорите се селат во Грција

22.01.08 08:05

Преговорите за Уставното име на нашата земја, што се водат помеѓу Грција и Македонија со посредство на Обединетите нации од Охрид, ќе продолжат во Грција.

^{македонскиот преговарач Никола Димитров}

Местото и терминот каде ќе се одвиваат преговорите дополнително ќе бидат утврдени, а не е исклучено тоа да биде Атина. Домаќин на следната рунда Грчко-македонски разговори за името ќе биде министерката за надворешни работи на Грција, Дора Бакојани.

^{Нема промени во ставовите на двете страни}

Двете страни вчера во Охрид не постигнаа конечно решение, но преговорите во владината вила кај „Горица“ ги оценија како најдобри до сега. И двете страни остануваат на порано изнесените ставови, според кои прашањето на името за за Атина не е билатерално, а за Скопје е.

^{х. Инекс беше запоседнат од новинарите}

Грчкиот колега од телевизијата ЕРТ 3, Пантелис Савидис, во разговор ни изјави дека има простор за решавање на проблемот помеѓу двете земји. Колкав е тој простор каде маневрираат политичарите никој не знае, но претставува надеж дека наметнатиот спор од страна на Атина би можел да се реши наскоро. Како?

^{има простор за решение сметаат грчките колеги}