Од следната студентска година, сите студенти од Западен Балкан, вклучувајќи ја и Албанија, ќе можат да студираат бесплатно на сите државни универзитети во Словенија, изјави Алан Бергант, Амбасадорот на Словенија во Македонија.

„Сега сме во фаза на потпишување на спогодби помеѓу двете министерства, со министерот за образование Тодоров и се залагаме за мобилност како на студентите така и на професорите,“ рече Бергант и додаде дека се надева дека ваквите олеснителни околности ќе овозможат подобра и подлабока соработка меѓу факултетите во двете земји.

„Се надевам дека ќе имаме повеќе студенти од Македонија кои ќе студираат во Словенија, но и Словенци кои ќе доаѓаат да студираат во вашата земја,“ истакна Бергант.

OhridNews
извор: Makfaks