Од понеделник инспекторите ќе започнат со помасовни контроли на производителите на храна од живоринско потекло кои од денеска задолжително мора да работат по ХАЦЦП стандарди. Од Републичката ветеринарна инспекција најавуваат дека засега нема да има казни за компаниите кои не го завршиле имплементирањето на ХАЦЦП, но на две недели ќе се контролира дали кај нив има напредок во процесот. Доколку се утврди дека тие немаат направено исчекор во имплементацијата на стандардите, привремено ќе им биде одземена дозволата за работа се додека не го воведат ХАЦЦП.
Засега 40 отсто од капацитетите за производство на храна од животинско потекло го имаат воведено ХАЦЦП-стандардот, исто толку се во фаза на имплементација, а 20 отсто го немаат започнато процесот на воведување на станадардот за безбедност на храна.
Многу поалармантна состојбата е кај производителите на храна од растително потекло кај кои имплементавијата на ХАЦЦП стандардот станува задолжителен од 1 јануари 2010 година. Само 600 од вкупно 16.000 регистрирани производители на храна од растително потекло целосно го вовеле ХАЦЦП, а околу 3000 се во процедура.
Компаниите кои нема да го воведат ХАЦЦП стандардот ќе се соочат со казни од 5.000 до 10.000 евра и затворање на производствените капацитети.
Ohridnews
