Од денес започнува вакцинацијата на младата возрасна група од 12 до 18 години. Оваа возрасна група ќе биде вакцинирана исклучиво со Фајзер, додека популацијата од 18 години нагоре по нивна желба или со Фајзер или со Синовак.
Се вакцинира со сите вакцини, младата популација се вакцинира со Фајзер и Синовак, а повозрасната популација зависно од нивната желба и потребите се вакцинираат со Синовак, Фајзер и со Астра Зенека. Во моментов ги имаме сите вакцини вели за OhridNews Д-р Соња Мариноска, раководител на Службата за превентива на Здравствен Дом Охрид.
Во тек е ревакцинацијата на Астра Зенека и тоа на возрасната популација над 60 години. Се вакцинираат и пациентите кои се од Охрид, но и пациентите кои во моментов се во Охрид на одмор.
Досега во модуларната болница од 19 јули ревакцинацијата е извршена на преку 7500 пациенти, додека вакцинирани се преку 2500 особи. Многу ретко се јавуваат вообичаени реакции по вакцинацијата со болка, темепратура, малаксаност, но досега немало реакции од типот на анафилактички шокови додава Мариноска.
Инаку, вакцинацијата се одвива непречено во модуларната болница во две смени, попладе до 17 часот до кога има закажано темини, од понеделник до сабота. Вакцинацијата се одвива и со закажување преку мој термин и без закажување, при што е потребно пациентите да носат лична карта со себе. Процентот на вакцинираност во Охрид заклучно со 1 август изнесува 45,5%, велат податоците на Министертсвото за здравство.
Н.С.Ј
