На првата прес конфернција на овогодинешниот фестивал Охридско лето, организаторот најави дека отварањето на 48 – то издание на  фестивалот, како и целиот концерт на светската старлета Џеси Норман, охриѓани и гостите ќе може да го проследат во живо на видео бим на градскиот плоштад.

– Во договор со менаџерот Лук Ван Лук  кој несебично ни помогна и кој постојано работеше во наша корист, концертот комплетно ќе се пренесува во живо на плоштадот. Ова е подарок за сите нас од тимот на Норман – рече на прес конфернцијата  Гордана Јосифова-Неделковска, селекторка на музичката програма на фестивалот.

„Од Америка со љубов“ е насловот на концертот со кој светската ѕвезда ќе настапи на сцената со програма на која се дела од Бернштајн, Гершвин, Вилјамс, Њутн, Кер и традиционални, американски песни. По трет пат во историјата на фестивалот, нема да има директен пренос од свеченото отварање, поради превисоките барања што на организаторот му ги поставила Норман. Американската сопранистка, Џеси Норман која условите  за настап на Охридско лето ги доставила на 30 страници не се сретна ниту со новинарите на редовните прес конференции. Во нејзино име импресиите од престојот во Македонија ги изнесе менаџерот Лук ван Лук кој се заблагодари за гостопримството.


На сцената Норман вечерва ќе ја придружува оркестарот на Македонската филхармонија, под диригентство на Рејчл Ворби. Таа најави дека Норман вечерва ќе изведе повеќе популарни арии, како и две акапели со кои како што истакна, ќе ги приближи американскиот и македонскиот народ.

М.П.