Во пресрет на зимската сезона, 15-ти ноември 2009 година – 15-ти март 2010 година, СВР Охрид потсетува дека согласно одредбите од Законот за безбедност на сообраќајот на патиштата, возачите на сите моторни возила кои учестуваат во сообраќајот на патиштата надвор од населени места, се должни покрај останатата опрема да ја поседуваат и пропишаната зимска опрема.
Согласно Правилникот за уреди и опрема, под зимската опрема за моторните и приклучните возила како и работните машини, се подразбира поседување на пневматици (гуми) за зимска употреба (М+С) на погонските тркала или радијални пневматици на сите тркала со летен профил, на кои длабината на шарите на спојот што гази по обем и ширина мора да изнесува 4 мм, но притоа во возилото да има и синџири за погонските тркала.
Под поседување на пропишана зимска опрема во автобусите и тешките товарни возила се подразбира, покрај поседувањето на горенаведената зимска опрема во истите да има и лопата.
Според пропишаните законски одредби, забрането е на моторните возила да се поставуваат пневматици со клинци.
Согласно одредбите на Законот за безбедност на сообраќајот на патиштата, глоба од 15 евра во денарска против вредност во мандатната постапка, ќе му се изрече на возачот кој постапува спротивно на одредбите на Законот односно кој во наведениот временски период не поседува пропишана зимска опрема.
