Денеска и утре е првото пријавување во јунскиот уписен рок за запишување ученици во јавните средни училишта за учебната 2015/2016 година.
Во ОСУ „ Св. Климент Охридски“ во прва година можат да се запишат 272 ученици во осум паралелки.
Во СОСУ „ Св. Кирил и Методиј“ 170 ученици, од кои 136 во економско- правна и трговска струка и во здравствена струка 34.
Во ОЕМУЦ „ Св. Наум Охридски“ слободни места има 432. Во машинска струка можат да се запишат 102 ученици, во електро- техничка 228, лични услуги 34 и сообраќајна струка 68.
Во ОУТУ „ Ванчо Питошески“ во прва година, угостителско- туристичка струка можат да се запишат 272 ученици.
Резултатите од запишувањето и слободните места ќе бидат објавени на 24 јуни.
Второто пријавување во јунскиот уписен рок е на 29-ти и 30 јуни, а резултатите од запишувањето ќе бидат објавени на 1 јули. Пријавувањето и запишувањето на учениците во августовскиот рок ќе биде на 24 август, а резултатите и слободните места ќе бидат објавени наредниот ден.
Училиштата кои во двата уписни рока не ги пополниле утврдените ученички места за запишување, ќе продолжат да запишуваат ученици до 27 август 2015.
OhridNews
