Охриѓани со победата над Радовиш 31-26 (15-15) во осмата рунда од плејаут лигата го обезбедија опстанокот и ја остварија зацртаната цел пред почетокот на сезоната во Супер лигата.
Се до 24-та минута од првиот дел ракометарите на Охрид имаа констатна негатива која во некои моменти изнесуваше и минус четири погодоци.
Само пет минути им беа доволни на „гладијаторите“ да го поправат в печаток и на семафорот да го изедначат резултатот 12-12, а со 15-15 двете екипи да заминат на одмор.
Во вториот дел избраниците на охридскиот стратег Горан Андоновски заиграа доста по ангажирано во нападот и одбраната и веднаш се одрази со водство на семафорот.
„Гладијаторите“ откако ја стекнаа позитивата во ниту еден момент не ја загрозија и ја забележаа третата победа на домашен терен во плејаут лигата што значи елитен ракомет и следната сезона во Охрид.
РК Охрид : Пецаков (13 одбрани), Костески (4 одбрани), Китевски, Анѓелкоски, Наумоски, Андоновски 6, Б. Белевски 5, Мирков 1, Трифуноски 5, Тасески 4, Поп-Стефанија, Соколов 3, Крстески, В. Белевски 7.
РК Радовиш : И. Спасов, Марков, Петров 6, Мијалов, Георгиев 5, Долдуров 2, Фенов 4, Трајкоски (19 одбрани), Д. Јованов, М. Спасов, Ордев 6, Николов 2.
Мх.П.
