Времето денеска ќе биде претежно облачно и значително посвежо, на повеќе места со пороен дожд, грмежи и засилен ветер. Како што информираат од Управата за хидрометеоролошки работи, локално ќе има појава на невреме, со интензивен пороен дожд (над 30 l/m2 за 24 часа), грмежи, силен ветер (над 70 km/h) и услови за појава на град.
Во Охрид времето ќе биде претежно облачно и нестабилно, со повремен дожд. Минималната температура ќе се спушти до 16, а максималната ќе достигне до 23 степени.
Во среда ќе има изолирана појава на нестабилност со пороен дожд и грмежи, а преодно стабилизирање на времето во четврток. Под влијание на нова влажна и нестабилна воздушна маса врнежи повторно се очекуваат в петок.
OhridNews
