Од Управата за хидрометеоролошки работи известуваат дека во текот на претстојниот викенд ќе дојде до поинтензивни врнежи од дожд, каде наместа ќе наврнат над 30л/м2. Врнежите се очекуваат во сабота кон недела и во недела претпладне. Во понеделник претпладне ќе има услови за локален слаб снег. Заради затоплувањето и врнежите од дожд ќе има нагло топење на снегот што ќе овозможи позабрзано зголемување на водостоите, особено во западните делови, информираат од Центарот за управување со кризи.
Центарот за управување со кризи им препорачува на граѓаните да не ги користат секундарните и терцијалните канали за исфрлање на колективен или индивидуален смет, бидејќи тоа ќе оневозможи канализирање на атмосферските води, со што може да се создаде потенцијална опасност од локални излевања.
Ohridnews
