Американскиот претседател Барак Обама е повреден за време на кошаркарски натпревар. Поради сериозноста на повредата лекарскиот тим морал да му стави 12 конци на устата, бидејќи некој од неговите соиграчи му задал силен
удар со лакт во лицето , пренесува ББЦ.

“Откако беше ненамерно удрен врз претседателот беше извршена мала медицинска интервенција што беше спроведена во медицинската единица на Белата куќа“, рекол портпаролот на Белата куќа, Роберт Гибс.

На Обама му била дадена локална анестезија за полесно да го поднесе лесниот хируршки зафат.Претседателот играл кошарка заедно со еден од неговите помошници, Реџи Лав, и други членови на неговото семејство.

Обама бил фотографиран како го напушта спортскиот објект, држејќи се со рака за лицето.Неколку часа подоцна, новинарите што се насобрале пред Белата куќа по повод пристигнувањето на новогодишната елка, го виделе Обама како држи ладни облоги на устата.

“извор Макфакс“
ohridnews