Специјални нуркачки единици денеска го пребаруваат Охридското Езеро во близина на поранешното детско одморалиште каде беше пронајдена чантата на Лета Цветаноска – Лазареска, која исчезна во понеделникот.
Министерката за внатрешни работи Гордана Јанкуловска која денеска престојува во работна посета на Охрид, истакна дека полицијата интензивно трага по исчезнатите лица во Охрид
– Полицијата во сила ги стави сите свои ресурси. Секогаш кога станува збор за возрасни исчезнати лица тешко може да се процени моментот од кога може да се констатира дека нешто се случува, но секогаш кога исчезнувањето ќе се пријави се ангажираат сите располижливи сили на полицијата со цел да се откријат лицата по кои се трага, рече Јанкуловска.
Покрај по триесет и пет годишната Лета која исчезна во понеделникот, охридската полиција од вчера трага по уште еден исчезнат охриѓанец. Се работи за лицето С.Н. (62) кој од четвртокот не се вратил во својот дом. Според изјавите на неговото семејство последен пат тој бил виден истиот ден во 16 часот кај одмаралиштето на ПТТ, на кејот на Охридското езеро. Во потрагата покарај семејството се вклучени и неколку екипи на полицијата, кои интезивно го пребаруваат брегот на Охридското езеро.
Ohridnews
