Достапноста во 128 земји, му овозможи на новото чедо на Самсунг „Galaxy Note II да се продаде во 5 милиони примероци. Оваа импресивна бројка е уште повеќе успешна, ако се додаде фактот дека телефонот излезе на пазарот пред неполни два месеци.
Од компанијата информираат дека на претходникот на овој таблет-телефон, му биле потребни нешто повеќе од 5 месеци за да се достигне оваа рекордна бројка. Сепак, најуспешен телефон на овој корејски гигант е „Galaxy S III“, кој за помалку од 6 месеци ја достигна бројката од 30 милиони продадени примероци.
Времето ќе покаже дали овој телефонски уред ќе се наметне кај корисниците ширум светот, со оглед на тоа што најголемата конкуренција доаѓа од „лутиот“ ривал „Apple“.
OhridNews
