На 14 и 15 декември во дворот на ресторанот „Виа Игнација“ во Вевчани ќе се одржи „Новогодишниот базар- Виа Игнација 2024“.
Програмата започнува на 14-ти, сабота, во 12 часот со активности за најмладите како работилници за изработка на новогодишни украси, сликање со Дедо Мраз, дружење со Мики маус, Пинк Пантер и др., како и штандови со чоколадо, лижавчиња, бомбони. Програмата ќе продолжи во 21 чаот со настап на Охриската група “Билјана”, информира Ефимија Угриновска Кукоска.
Во недела, 15 декември, посочува, детската програма ќе започне од 12 часот со детската театарска претстава Зимска приказна во која играат Софија Ристевска Петрушева и Сандра Грибовска Илиевска од Интимен театар Битола, а продолжува со настап на детските групи при балетското студио Бах од Струга и ДЈ Џејбитс.
Повторно за публиката ќе бидат изложени и ракотворби од локални производители на предмети и накит и тоа, Билјана Брило со накитот со суташ техника, Марија Маринова Поп Маркова со накит од бакар и месинг, Филип Малезан со накит од сребро и филигран, Ивана со накит од волна, како и познатите производители на кремови Пеце-Леска, Трек ми џемчињата од цитруси и Весна со најубавото лепче од кисело тесто. Вкусете ја најубавата храна и топли напитоци во дворот на Виа Игнација во најмагичниот период од годината. Бидете и вие дел од оваа уникатна зимска приказна, порачува Угриновска Кукоска.
OhridNews
