Љубителите на друштвени игри и забавни активности сега ќе може квалитетно да го поминуваат слободното време и да уживаат во партија билијард, шах, пикадо… ИБ Спорт центарот ја збогати понудата со клуб за друштвени игри и забавни активности кој официјално почна со работа синоќа.
Во новиот клуб во ИБ Спорт Центар има забава за секого, без разлика дали сте искусен играч или само сакате добро да си поминете со вашето друштво. Тука ќе најдете билијард маси за сите љубители на класична билијард игра и билијард со кегли, шаховски табли за оние кои сакаат да ги покажат своите стратешки вештини како и пикадо за забавна и предизвикувачка игра со пријателите.
Со новото клупче ИБ Спорт Центар ja збогати ионака исклучително богатата понудата на рекреативни активности. Покрај фитнес, пилатес, боди билдинг, футсал, одбојка, тенис, ракомет, кошарка, пинг понг… познатиот спортски центар сега има и забавни содржини како додадена вредност за посетителите.
ИБ Спорт Центар со работа започна во 2011 година. Оттогаш познатиот спортски центар постојано се надградува квалитативно подобрувајќи ги условите поради што повеќе од една деценија е омилено место за спорт и рекреација на охриѓани.
Г.М.
