Со изнесување нови докази и распит на сведоци, во Основниот суд во Охрид денеска треба да продолжи судскиот процес против Лазе Радески, обвинет за убиство на уличните продавачи на девизи Раим Ракип, Спиро Ставрески и Трајче Цоцески, сите од Охрид.
На последното рочиште исказ пред судот даде вештото лице Митре Нечески – специјалист по судска медицина од Битола. Извршената обдукцијата на двајца од тројцата убиени покажала дека тие биле усмртени со повеќе удари од тапо тврд предмет, а биле забележани и голем број постмортални повреди. Дел од националните и локални медиуми пренесоа детали за начинот на кој биле убиени жртвите што предизвика реакција од јавноста, а таквата нивна постапка ја осуди и Здружението на новнарите на Македонија.
