Продукциската куќа “OVOW” ги добила правата и наскоро ќе започне со снимањето на филмот „Битлси живеат“, каде ќе бидат собрани сите необјавени снимки за бендот, аудио материјали, приказни и фотографии. Според мислењето на продуцентите, најдобрите материјали за групата ќе бидат овековечени токму во овој документарец.
Ова е прилика за сеите фанови кои имаат било какви записи или материјали за својата омилена група да учествуваат во правењето на филмот. Проектот ќе им овозможи на сите своите содржини да ги објават на страницата на филмот, но и да пишуваат за своите искуства. Така продолжува манијата по Битлси, а повеќе детали можат да се видат на официјалната страна која гласи исто како и филмот.
