Во Македонија во последните 24 часа се регистрирани нови 20 случаи на свински грип. Кај сите биле потврдени позитивни резултати на новиот тип на вирус А (Х1Н1). Лицатa се прегледани на Клиниката за инфективни болести и се под соодветна медицинска терапија, соопшти денеска Министерството за здравство..
Комисијата за пандемски грип со која раководи министерот за здравство Бујар Османи, денеска оджа состанок на кој се донесени препораки и заклучоци за заштита на населението од натамошно ширење на новиот тип на грип.
На граѓаните им се препорачува да избегнуваат учество на масовни собири. Граѓаните со симптоми на грип се советуваат веднаш телефонски да исконтактираат со својот матичен лекар, а при посета кај лекар да стават заштитна маска или марамче за да спречат ширење на инфекција кај други лица. Исто така на здравствените работници им се препорачува при преглед на пациенти со симптоми сомнителни на грип да носат заштитна маска, а здравствените установи да ги ограничат посетите на болни лица.
Ohridnews
