Српскиот тенисер Новак Ѓоковиќ е апсолутен рекордер по бројот на седмици поминати на првото место на светската АТП рејтинг листа. Ѓоковиќ минатиот понеделник се изедначи со Рожер Федерер (310 седмици на врвото), а од денеска ја почнува 311-та седмица како најдобро рангиран тенисер.

Надминувањето на Федерер и избивањето на првото место на АТП рејнтиг листата е остварување на една од двете цели на Ѓоковиќ. Втората цел е освојување на 20 титули на грен слем турнирите и изедначување со бројот на титули, кои ги имаат освоено Федерер и Рафаел Надал.

Српскиот тенисер прв пат во кариерата на првата позиција се најде на 4 јули 2011 година. Потоа, четири пати се враќаше на првото место, а шест пати ја завршил годината како најдобар тенисер. Како прв тенисер во светот Ѓоковиќ има скор од 387 победи и 53 порази, вклучувајќи 117 победи и 30 порази против ривали од топ 10. Во финалните натпревари од сите турнир има скор 39-13.

  • Топ 10:

1.Новак Ѓоковиќ

2.Рафаел Надал

3.Данил Медведев

4.Доминик Тим

5.Стефанос Циципас

6.Рожер Федерер

7.Александар Ѕверев

8.Андреј Рубљв

9.Диего Шварцман

10.Матео Беретини

OhridNews