Вo недела 24 мај 2009 година во Елшани ќе се спроведе уште една акција од серијата еколошки акции кои подолго време се одвиваат под мотото „Да го направиме Елшани најчистото село во Македонија“. Акцијата ќе започне со собирање на учесниците пред селската црква „Св. Пророк Илија“ со почеток во 09. 00 часот. Во оваа акција можат да учествуваат сите заинтересирани лица независно од местото на живеење.
Еколошката акција ја организираат Здружението на граѓани за туристичко, културно и еколошко одржлив развој на руралните подрачја „Евла 2009“ со седиште во Елшани и Институтот за традиционални вредности од Охрид.
Ohridnews
