Норвежанките имаат најмногу слободно време во однос на сите останати жени на светот, додека турчинките се рекордерки по времето кое го трошат за домашните работи. Истражувањето на Организацијата за економска соработка и развој покажало дека норвежанките „опуштено“ минуваат дури 367 минути дневно. Истовремено, мажите во Норвешка се втори во светот по тоа колку помагаат во куќата, а рекордери се данците. Норвежаните дури 180 минути дневно посветувуваат на домашните и „сервисните“ работи, набавки, грижа за децата или старите. Кога е во прашање времето кое го минуваат во домашните работи жените и мажите, тој однос е најдрастичен во Јужна Кореја и Јапонија.
Имено, кореанките минуваат пет пати повеќе време во таквите работи отколку нивните посилни половини, а јапонките 4,8 пати повеќе од јапонците. Сепак, најголем товар во домашните работи поднесуваат турчинките, кои минуваат 377 минути дневно, а нивните мажи само 116. Втори се мексиканките се 373 минути во однос на 113 минути колку што минуваат мексиканците. Трети се индијките, кои на домашни работи трошат 352 минути дневно, а нивните мажи 52.
