Нелегално поставени тезги на кои се продава овошје и зеленчук може да се забележат насекаде низ градов.
Од Ј.П.”Охридски Комуналец” информираат дека за овој проблем, испратиле известување до сите надлежни инспекции и институции со цел да се справат со проблемот на дивите препродавачи, но не добиле повратни резултати.
Според ова претпријатие, дивите мини “пазари” се недолична слика за Охрид како туристички град. Од Комуналец потенцираат дека од една страна на градскиот пазар се бара задолжително почитување на законските прописи и воведување на “ХАСАП” стандардите, а истовремено никој не ги казнува оние кои продаваат на нелегално поставени тезги и при тоа не ги почитуваат прописите.
Ohridnews
