Според утринските мерења, извршени денес, водостојот на Охридското Езеро изнесува 693,80 метари надморска височина или 5 сантиметри над максимално дозволенота граница, соопшти Центарот за управување со кризи. Езерото бележи континуирано опаѓање, во просек по еден сантиметар, секој ден, во изминативе две недели.
Испустот на вода од езерото во Црн Дрим кај Струга изнесува околу 65 метри кубни во секунда, а намалување на нивото на водата забележано е и на реките од сливното подрачје на езерото.
Највисокиот водостој на Охридското Езеро во изминативе три месеци, беше измерен во средината од месец март и изнесуваше 26 сантиметри над максимално дозволената кота, која треба да изнесува 693,75 метри.
OhridNews
